སྤྲིན་རེག་ལས་ཀྱི་རི་བོ་ཡོད་དམ་མེད།།
གདུང་སེལ་བྱིན་རླབས་རིལ་བུ་མཆིས་མ་མཆིས།།
རྒྱལ་ཁམས་འགྲིམས་ཤིང་སེམས་པ་རྨས་པའི་རྗེས།།
པོ་ཏ་ལ་ཡིས་ང་རང་གསོ་སྲིད་དམ།།
རང་ཡུལ་རང་ཡུལ་ཟེར་བཞིན་མི་ཚེ་ཟད།།
རང་སྐད་རང་སྐད་ཟེར་བཞིན་གཞན་སྐད་འདྲིས།།
རང་དབང་ལྡན་པའི་གཞན་ཡུལ་གྲོང་མཐའ་ནས།།
ཧི་མ་ལ་ཡས་ང་རང་དུབ་སྲིད་དམ།
ལྷ་ཁྱོད་མཆོད་དོ་མཆི་མའི་འོལ་ཀོ་བཞེས།།
གང་སྐྱིད་ཕ་ཡུལ་་ཟེར་བར་བདེན་མི་འདུག
མགོན་ཁྱོད་བསྟོད་དོ་གདུང་བའི་ཚོགས་འདི་བཞེས།།
སུ་བྱམས་ཕ་མའི་རྫུན་ངན་ཐལ་བར་རློགས།།
