ཁྱེད་དང་ངེད་གཉིས་འཕྲད་པ་ནས། །ང་ཡི་སྙིང་ཁ་སྟོང་ལྷང་ལྷང་།།
ཁབ་ལེན་རྡོ་ཡིས་ལྕགས་ཕྱེ་རྣམས། །དབང་མེད་འཐེན་པའི་རྐྱེན་མིན་ནམ།།
ཁྱེད་ཀྱི་སྤྲོ་བའི་འཛུམ་མདངས་རེར།། ང་ཡི་དགའ་བའི་དགོད་གཏམ་རེ།།
ཁྱེད་ཀྱི་སྐྱོ་བའི་མིག་མདངས་རེས། ། ང་ཡི་སྙིང་ལ་དུག་མདའ་རེ།།
ཁྱེད་ཀྱིས་ཐག་རིང་ཐག་རིང་དུ།། དགའ་བོ་དགའ་བོར་བཞུད་པའི་ཚེ།།
ང་ནི་ཧ་ཅང་ཧ་ཅང་གི །དྲན་པའི་མིག་ཆུ་མང་པོ་ལྷུང་།།
ཁྱེད་ཀྱིས་ཁུ་སིམ་ཁུ་སིམ་ངང་།། ཐག་རིང་གནས་ནས་ལོག་ཡོང་ཚེ།།
མཛེས་ལྡན་ཁྱེད་ཀྱི་བསུ་རྟེན་དུ།། ང་ཡི་སྙིང་ཚིལ་དར་སྣ་ཕུལ།།
